S'ultimu saludu de Ezalai a su cabu mannu de is Tuareg, amigu de sa Sardigna

(IlMinuto) - Casteddu, 17 de su mes''e austu - Sa primu diri de austu, a pustis de una maladia longa, est mortu su cabu mannu de is Tuareg e "amigu de sa Sardigna" Capitano Mohamed Mohamedine Aboubacrine El Moctar. Ddu narat unu comunicau de s'associazioni sadra Ezalai, chi promovit una scola po pipius errantis de su desertu. Su "Capitanu" esti stètiu tres bortas in Sardigna. In s'isola esti stètiu curau e at partecipau a convegnus e atóbius po chistionai de su populu Tuareg e de sa situazioni geo-politica de su Sahara. Impari cun s'associazioni Azalai - fundada de Claudia Zuncheddu - iat promoviu e organizzau una scola po Tuareg cun s'iscopu de istudiai is pipius de su desertu de su Mali. Unu traballu chi at a sighiri puru a pustis de sa morti de su "Capitanu". "Sa scola po is pipius Tuareg - si podit ligiri in su comunicau - at a sighiri e at a rinforzai custu rapportu de solidariedadi e de coperazioni chi s'est creau tra su populu de sa Sardigna e is Tuareg de su Mali".