Sanidadi: Barracciu (Pd), " Cun su cummissariamentu de is Asl si serrat su circu de is 3M"

(IlMinuto) - Casteddu, 7 de su mes''e austu - "Massoneria, Matoni, Mexina. Cun s'aprou de s'emendamentu 388 chi cummissariat is Asl, su centrudestra at finisisamenti serrau su circu de is 3M, chi po custa Giunta regionali est claramenti sa cosa prus importanti". Custus is fueddus naus in àula de sa consillera regionali de su Pd Francesca Barracciu, a pustis de s'aprou de s'emendamentu po s'organizzazioni de sa sanidadi sadra postu in su "collegato" a sa Finanziaria. "A pustis de su pianu po sa domu - sighit s'esponenti democratica - chi fait prevàliri sa lógica de su Matoni, e a pustis de s'intrada in giunta de sa Massoneria, oi (mèrcuris n.d.r) esti stetia sa borta de su setori de sa Mexina".