Jeet Kune Do, apuntamentu cun s'arti de Bruce Lee in Marrubiu

(IlMinuto) – Casteddu, 25 de su mes''e austu - Apuntamentu cun s'arti de Bruce Lee giòbia in Marrùbiu. In tres oras de lezioni e pratica (via Tirso, 18-21) su maistu Cristian Tuveri at a introdusiri is partecipantis a su mundu de su Jeet Kune Do, su métodu creau de s'attori cinesu, e a su Kali, sa lota tradizionali de is "Filippine". Cun noi annus de istudiu de Karate, duus de su Krav maga e cincu de su Jeet Kune Do, Tuveri tenit unu curriculum de totu rispetu. In custu momentu fait parti de su "Research italian team", cun sedi in Los Angeles e est meri de sa Tuveri Academy a Villongo, in provinzia de Bergamo. "Su Jeet Kune Do - spiegat Tuveri - est un'ammesturu tra boxe cinesa, thai boxe e wing chun kung fu. Si differenziat de is ateras artis po sa "fluididadi e po sa rapidadi de colpiri un'obbiettivu". "Su stage chi at a benniri presentau de sa Tuveri Academy - concluit - at essi unu prinzipiu po difúndiri su stili nostru e sa filosofia nostra in Sardigna".