Iscòppiat sa moda de su tatuaggiu. Tres diris de mostras e concertus in su "centro congressi" de su Setar

(IlMinuto) – Casteddu, 27 de su mes''e austu - Apuntamentu de no pèrdiri po is appassionaus de su tatuaggiu. Po su segund'annu de fil''e pari, de su 28 a su 30 de su mes''e austu, su "Centro Congressi" de s'Hotel Setar, in Cuartu Sant'Alèni, at a presentai sa "Tattoo Convention Cagliari". Protagonistas de s'iniziativa ant essi i mellus tatuadoris de s'Italia e de s'Europa. Tra is nominis prus importantis ddoi funt cussus de Andrea Afferni, Rudy Fritsch, Pietro Sedda e su team "Connessione Latina". Ddoi ant essi puru concertus rock e mostras fotograficas. "Meda prus de 3milla visitatoris, su traballu estraordinariu de casi 70 tatuadoris provenientis de totu s'Italia e sa performance in su palcu de is artistas - si podit liggiri in d'una nota - ant animau in manera originali sa primu edizioni de s'eventu. Sa segunda non at essi de mancu". (Su billettu po intrai a s'eventu est de 5 eurus)