Instruzioni: Barracciu (Pd), "s'acórdiu po is precarius est un'ispropositu. Sa Regioni coberrit is ispesas de su Stadu"

(IlMinuto) - Casteddu, 3 de su mes''e austu - "S'acórdiu comunigau de s'Assessori Baire po s'iscola est un'ispropositu sbragungiu". Aici sa consillera regionali de su Pd Francesca Barracciu, in su situ de su Pd sadru, cummentat s'acórdiu de su Ministeru de s'"Istruzione" cun s'Assessorau regionali de sa "Pubblica Istruzione", chi in is diris passadas at donau su cumenzu a s'impiegu de 20 millionis de eurus de su dinai regionalis po pigai 2000 maistus precarius po is progetus contra a sa dispersioni de s'iscola. "Su Guvernu sighit a usai su dinai chi est nostru de diritu", ispiegat sa Barracciu. "Immoi - narat sa candidada a sa Segreteria regionali de su Pd - est sa Regioni a coberri is ispesas chi su Guvernu at decìdiu de fai. Is binti millionis de eurus de is pagamentas de is sadrus funti stetius donaus po coberri is ispesas chi su Stadu depit saldai, comenti cussas de is precarius".