Imigraus: Prc Casteddu: "Pedeus de serrai su Cpa de Su Masu"

(IlMinuto) - Casteddu, 6 de de su mes''e argiolas - "In Casteddu Rifondazione comunista at a cuntrastai in dognia modu sa cultura de malesa razzista de su Guvernu. Pedeus de serrai su Cpa de Su Masu e totus is presonis po imigraus, poita depit essi fattu arrespetai su diritu de asilu chi prevedit sa Costituzioni nostra". Est aici chi su Segretariu provinziali de su Prc de Casteddu, Giuseppe Stocchino, commentat s'arribbu de una centina de nordafricanus in is costas meridionalis de s'Isola, a pustis ca sa "clandestinidadi", su duus de su mes''e argiolas, in Italia est diventada culpa. Cun is imigraus ddoi furiat una fémina in pringia. Funti stetius totus inserraus in su Cpa de Su Masu. "Pedeus - sighit Stocchino - de podi connòsciri in cali cundizioni s'agatant is imigraus "aghillius" in Su Masu, po finzas cussas de sa fémina pringia. E pedeus sa subitana libberazioni e su ricoveru in d'un'ispidali adeguau".