Dirittu a sa domu: in Sant'Elia nascit su comitau "antisfratti"

(IlMinuto) – Casteddu, 27 de su mes''e argiolas - Blocai is sfratus e cumenzai unu percursu po sa "legalizzazioni" de sa situazioni de una centina de familias in Sant'Elia. Cun cust'intentu cenàbara a merì s'est riunia in su Lazzaretto un'assembrea popolari cun sa partecipazioni de is consilleris comunalis, de is sindacalistas e de is citadinus. S'assembrea, chi s'est costituia in comitau, at dezidiu de manifestai mèrcuris impari cun s'Rdb Cub po pediri su blocu de 200 sfratus tra Sant'Elia, Is Mirrionis e San Michele, sfratus annunziaus cun is literas spedias de s'Area. Custu est scéti s'obbiettivu prus immediau. In is dimandas de s'assemblea a s' Amministrazioni cittadina - presentadas a s'assemblea de sa Consillera comunali Marisa Depau - ddoi est sa riapertura de is terminis de su bandu po su fundu sociali: unu sussidiu a is famiglias po pagai s'affitu mensili.