Chímica: in Roma atóbiu decisivu po Pòrtu Turre

(IlMinuto) - Casteddu, 21 de su mes''e argiolas - Atera diri "decisiva" po sa chímica sadra. A pustis de s'atóbiu de custu merí in Roma, in sa sedi de su Ministeru de su "Sviluppo economico", s'at a sciri si s'Eni tenit intenzioni de revocai su stop de is impiantus de su cracking de Pòrtu Turre.  Chi no fessat aici is amministratoris de su territoriu colpiu - po primu su Presidenti de sa Provìnzia de Tàtatari Alessandra Giudici - ant amelazzau de fai attu de rinunzia totus impari. A s'atóbiu de oi cun su Ministru Scajola e cun sa multinazionali ant a partecipai su Presidenti de sa Regioni e sa Cgil, sa Cisl e sa Uil, chi ant a propòniri a su Guvernu unu documentu unitariu. "A pustis de sa full immersion generali aintru de is valoris de su sardismu - comentat sa Consillera de is Rossomori Claudia Zuncheddu - tra soberania e autodeterminazioni de su populu nostru, depeus pigai attu ca a is chistionis nostras funt atendias de Roma. Ddoi est una chistioni meda grai de credibilidadi".