Casteddu: mostra po "salvai is gruttas de Ingutidroxus" de sa costruzioni de s'aereoportu in su Poligonu de Quirra

(IlMinuto) – Casteddu, 30 de su mes''e argiolas - "Su territoriu de Quirra, giai trumentau e destruiu po mori de is esercitazionis militaris, si preparat a perdiri un'ateru logu meravigliosu: is gruttas de Ingutidroxus". Ddu dinùnziat con d'una nota su Comitau po sa difesa de is gruttas e contra a sa costruzioni de s'aereoportu de su Poligonu interforze de Quirra. "Propriu asuba de is gruttas - spiegat su Comitau - iat a depi essi fatta sa striscia 'tattica' boffia de su "Ministero della
Difesa" po sa modernizzazioni de su Poligonu: un'aereoportu militari dotau de una pista de atterraggiu de 2-3 chilometrus". Cussu de Ingutidroxus est unu sistema de gruttas carsicas de 12 chilometrus de longhesa chi s'agat aintru de su Poligonu Interforze de su 'Salto de Quirra'. Po dinunziai custa probabili destruzioni su Comitau at aprontau una mostra fotografica (su 30 e su 31 de su mes''e argiolas in s'ex liceo Artistico de prazza Dettori, a partiri de is 17.30). Cras a merì, a fin'e mostra, s'at a tenni un'assemblea po programmai ateras iniziativas po protestai contra a sa costruzioni de s'aereoportu militari.