Giustízia: A Manca difèndit Bruno Bellomonte

(IlMinuto) - Casteddu, 29 de su mes''e làmpadas - Su spricullítu chi at biu su dirigenti de A manca pro s'Indipendentzia Bruno Bellomonte, acusau de at participau a unu tentativu de torrai a portai in vida is Br, est "unu spricullítu farsu e políticu". Ddu narat cun d'una nota s'ufíciu stampa de su movimentu políticu indipendentista.
In is diris passadas s'est tenta in Roma s'udiénzia po su "riesame". No prus a tradu de su mes''e argiolas su Tribbunali at a depi donai una resposta a s'apellu de spresonaméntu. "Bellomonte - si podit ligiri in sa nota - est impignau de meda tempus in su movimentu de libberazioni nazionali sadru acanta de su pópulu chi traballat. Est e at essi sempri impignau scéti in organizazionis chi tenint comenti unicu iscopu cussu de cumbatiri po s'indipendenzia de sa Sardigna".