Economia: unu cuncursu po su casu de Bonòrva

(IlMinuto) - Casteddu, 22 de su mes''e lampadas -Cali est su pecorinu prus bonu chi si fait a Bonòrva? A custa dimanda at a donai oi risposta (a is 10 in s'aula consigliari de su Comunu) sa giuria de sa primu edizioni de su cuncursu "Su casu Bonorvesu". "S'iscopu de s'iniziativa - si podit liggiri in su bandu - est fai conòsciri su casu prus bonu fattu a Bonòrva, ddu fai tastai a sa genti e a is operatoris e stimulai chi tenit un'impresa a migliorai sa calidadi". Depit cuncurri scéti su pecorinu fattu cun latti cruu a pasta "semicotta", depit essi pagu sicau e no si depit sicai prus de 60 diris.