Consillu regionali, mozioni de su Pd po s'iscola pubblica

(IlMinuto) - Casteddu 25 de su mes''e lampadas - Portai in s'aula de via Roma su tema de is taglius a s'iscola pubblica e de is conseguenzias chi custus taglius ant a tenni in sa sociedadi. Cun cust'iscopu su Pd at presentau una mozioni in Consillu regionali. Su documentu esti stetiu presentau custu mangianu in d'una confèrenzia stampa. "Funt prus de 2.200 tra maistus e Ata is personas chi arriscant su postu de traballu - custa est sa denúnzia de su Pd - e 500 professoris ant essi costrìngius a cambiai logu de traballu".
Funti stetias puru annunziadas, de su Direttori de s'iscola regionali Armando Pietrella, sa riduzioni de is classis e s'aumentu de is istudiantis in dognia classi.
"Sa riduzioni de is classis e sa serrada de is iscolas - at nau su consilleri Marco Espa - ant a causai effettus meda malus, in su specificu in is
territorius prus isolaus de sa Sardigna. Cun custa mozioni bolleus ca totus is consilleris esprimant cussu chi penzant de sa riforma e bolleus ca sa Giunta si pighit s'impignu de sustenni is rivendicazionis de is professoris e de su personali precariu".