Concertus: cominzat de Tàtari su tour de Fossati

(IlMinuto) - Casteddu, 30 de su mes''e lampadas - Ivano Fossati at scioberau Tàtari po sa primu data de su tour de s'istadi sadra. Custu merì a is 21 a su Teatru Verdi su cantautori genovesu at a presentai a su pubblicu "Musica moderna" (Emi Capitol, 2008). In s'album ddoi funt canzonis importantis comenti "L'amore trasparente" - giai in sa colonna sonora de "Caos calmo" de Antonello Grimaldi - e "La guerra e l'acqua", chi castiat a unu futuru prossimu aundi is conflittus po otenniri s'acqua benint sostituius cun cussus po otenniri su petroliu.
Domìnigu sa data tatareresa esti stetia anticipada de unu concertu - chi no fait parti de su tour uffiziali - in sa Sugheretta de Tortuelie, aundi Fossati e sa band chi ddu accumpangiat ant fattu is provas po un cida.