Post-Comandini: abbolotu in intro de su Pd, ma su disafiu est esternu

In su Pd ddoe at abbolotu. No est una novidade. E nemmancu carchi nùmene est nou. Che a su de Silvio Lai, chi diat bòlere torrare a fàghere su segretàriu regionale in càmbiu de Piero Comandini (chi est presidente de su Cussìgiu regionale). Su deputadu tataresu, chi a livellu italianu at sustènnidu a Bonaccini contra a Schlein, si dda diat dèvere bìdere cun Mauro Usai, sìndigu de Igrèsias cun 20 annos in mancu (38 nde tenet). Su disafiu internu (chi calicunu contat comente generatzionale) est però una cunditzione pro cumprèndere s’àtera isfida, sa cun su M5S in is temas in agenda: dae is àreas idòneas in contu de rinnovàbiles a sa sanidade (Silvio Lai est de su setore) in ue su Pd tenet una proposta sua (e is de Todde s’assessore).