Servìtzios digitales, torrat a abèrrere s'Isportellu in Casteddu

Torrat a abèrrere a su pùblicu su 15 de santandria s’Isportellu de sos servìtzios digitales de su Comune de Casteddu cun su personale de su cantieri Lavoras. Custos sos servìtzios frunidos: ativatzione de s’utèntzia Spid (Sistema pùblicu de identidade digitale), fundamentale pro pòdere dialogare cun sos portales de sa pùblica amministratzione e pro otènnere tzertificados in lìnia; prenotatzione de sa Cie (Carta de identidade eletrònica); impreu de sa Pec (posta eletrònica tzertificada); impreu de sa Tèssera sanitària comente sistema Cns (Carta natzionale de sos servìtzios); impreu de totu sos servìtzios in lìnia postos a disponimentu dae su Comunu de Casteddu e dae sas àteras pùblicas amministratziones. Custu su nùmeru de su tzentralinu pro cuncordare in manera telefònica fintzas un'addòbiu cun s'isportellu: 070.6778000, dae su lunis a sa chenàbura dae sas 8.30 a sa una.