Cun "Visione sarde" sos frades nostros de Canada s'atopant in Vancouver

Una parte de sa comunidade de sos sardos in Canada s'est addobiada in Vancouver sas dies coladas in ocasione de sas projetziones de sos metràgios curtzos de sa rassigna “Visioni sarde” in sos ispàtzios de s'Italian cultural centre. A s’eventu, organizadu dae Vito Fiore Bruno, presidente de su Comites e de su Tzentru culturale italianu de Vancouver, b’ant leadu parte sos sardos de sa tzitade rapresentados dae Antonio Fadda cantende paris s'innu dedicadu a sos sardos de totu su mundu, «a manos tentas, istrintas impare, frades chin frades devimos istare». de Angelo Curreli, interpretadu dae Maria Giovanna Cherchi cun sas mùsicas de Gino Marielli de sos Tazenda. Custos sos film porjetados: "Quello che è mio” de Gianni Cesaraccio, "La punizione del prete" de Francesco Tomba e Chiara Tesser e "Tilipirche" de Francesco Piras. E a concruos de sas projetziones non podiat mancare sa rebota cun màndigos tìpicos de Sardigna.