'Entula, est essidu su primu nùmeru de su bulletinu "Sa Frunza"

Su partidu 'Entula – Indipendéntzia e Sotzialismu at publicadu su primu nùmeru de su bulletinu de informatzione suo intituladu “Sa Frunza”. «Su nòmene "Sa Frunza" – narant – bolet ammentare su primu giornale in limba sarda, chi aiant publicadu in Casteddu 160 annos a oe. Est unu fògiu periòdicu chi bos at a informare subra sas lotas chi is militantes de 'Entula sunt sustenende in totu sa Sardigna, traballende pro las pònnere in relatzione intre pare, fraighende un'istrategia polìtica rivolutzionària e anticolonialista, chi siat fundada subra s'anàlisi de sa realidade sarda e de is contradditziones suas. Is tesseradəs ddu podent agatare in su link chi ant retzidu a sa mail e luego totus ant a pòdere leare sa versione de paberi, pro more de sa distributzione militante e in paritzos tzìrculos, sedes polìticas, assòtzios culturales e edìcolas de totu sa Sardigna».