Tàtari, in sa Domo de Totus si faeddat de su Ddl 1660

Su disegnu de lege 1660 est aprovadu. Pro nde faeddare s’assòtziu turritanu Sa Domo de Totus at aprontadu un’eventu invitende sos avocados de su Foro de Tàtari Elias Vacca e Pina Zappetto. Su timore manifestadu dae sos ativistas est chi su ddl «minetzet sa libertade de espressione e sos diritos fundamentales de sos movimentos sotziales, comintzende dae sa Sardigna in ue, fintzas dae pagu b’at àpidu ocasiones de disobbedièntzia tzivile patzìficas chi, cun custu ddl cunvertidu in lege, las ant a punire cun sa galera». S’eventu est in carrera de Frigaglia 14/b a sas 17.30.