Sardu in iscola, publicadu s'avisu pro sas lìnias Insulas e Frailes

Novidades in contu de iscola e limba. Sa Regione at publicadu sos bandos Insulas (pro s’imparu veiculare de sa limba in oràriu curriculare) e Frailes (chi imbetzes pertocat sos laboratòrios extracurriculares). Sas punnas de s’avisu publicadu in su situ istitutzionale sunt sas de «amparare, valorizare e difùndere su sardu e catalanu» e de «valorizare e difùndere sas variedades alloglotas tataresu, gadduresu e tabarchinu». Sas dimandas de partetzipatzione nche cherent imbiadas non prus a tardu de mesudie de su 4 de santandria via pec.