Asseguratziones àuto in Sardigna +9,78% in un annu dae trìulas coladu

Mese de trìulas cun asseguratziones in aumentu in Sardigna. Cunforma a sos analizos de s’osservatòriu Rc auto de Facile.it, sos prèmios mèdios pro assegurare una vetura in Sardigna sunt crèschidos de su 9,78% cun base ànnua lompende·nche finas a 547, 46 èuros in prus de su mese de trìulas de s’annu coladu. S’aumentu prus mannu est in provìntzia de Casteddu (+16,15%), fatu fatu Aristanis (+16,23%). Prus a tesu (cun crèschidas prus minores) Tàtari (+5,75%), Nùgoro (+5,61%) e Sud Sardigna (+0,84%). Sa nova bona diat pàrrere s’inversione prus reghente cun una mèngua de sas tarifas cun base regionale de su 1,4%. «Dae su mercadu comintzant a lòmpere sos primos singiales positivos», narat Andrea Ghizzoni, managing director asseguratziones de Facile.it.

immàgine @Pixavril