Sighit in Casteddu “Si muove la città”, sos apuntamentos de su 22

Sighit in Casteddu sa prima editzione de sa rassigna de mùsica, teatru, tzìnema e animatzione “Si muove la città”, cun ispetàculos gratùitos. Giòbia su 22 austu sos eventos sunt in s’apendìtziu de Giorgino. A sas 8 de sero Antonello Murgia e Fabio Marceddu de su Teatro dallarmadio ant a pònnere in iscena “Le Canzoni della Città”, retratu populare de su cabu de logu isulanu bìvidu cun sos ogros de sos pipios chi istaiant in tzentru e andaiant a mare. Fatu fatu tocat a“Sardi della pianura” cun Flavio Soriga, Renzo Cugis, Samuele Dessì e Pasquale Demis Posadinu, unu contu de sas contradditziones isolanas. A concruos, a sas 22, su cuntzertu de L’Armeria dei Briganti.