Ispeculatzione Fer, suCoordinamentu: «Galu prus determinados a bi la sighire cun s’atividade nostra»

A pustis de sa manifestatzione de su 30 de austu in Casteddu, su Coordinamentu de sos comitados contra a s’ispeculatzione energètica narat de èssere «galu prus determinadu a bi la sighire cun s’atividade sua» in riferimentu a sas «rechestas» e a sas «propostas de su documentu presentadu su 31 de trìulas in s’addòbiu de Abbasanta cunvocadu dae s’Anci». Custa sa prataforma: definitzione de una proposta de lege cuadru a livellu regionale; sustegnu a su recursu de Italia nostra a sa Cummissione europea contra a su guvernu italianu; apògiu a sa moratòria italiana proposta dae su Grig; rechesta a sos parlamentares sardos pro chi promovant una norma natzionale chi reconnoscat sa gravidade de sa situatzione in Sardigna; rechesta a sa Giunta de espròpios de sos impiantos Fer (comintzende dae sos chi sunt in fase de realizatzione) cumbinende sas dispositziones costitutzionales e istatutàrias. Su coordinamentu, de prus, at naradu chi emmo a s’addòbiu promòvidu dae Bachis Bandinu.