Repùblica: «Est su prus assàchiu mannu coloniale de sos ùrtimos 60 annos»

«Oe sa presidente Todde narat de individuare sas àreas idòneas pro pòdere pònnere palas eòlicas e pannellos fotovoltàicos. Naradu gasi diat pàrrere giustu e in parte lu est. Ma sa dimanda chi faghimus est: a ite sa Regione las devet individuare? Pro nàrrere a sos ispeculadores “Prego, in custas àreas podides ispeculare?”». Est chiant naradu sos militantes de Repùblica custu mangianu inintro de una tzentrale eòlica de Portu Turre faeddende de «su prus assàchiu mannu coloniale de sos ùrtimos 60 annos». A bisu de sos indipendentistas de Repùblica «sa Regione diat dèvere istèrrere unu pianu energèticu sardu, disinnare sa règulas pro sa produtzione de energia e gasi individuare sos tretos dèghidos pro s’indipendèntzia energètica. Su disafiu est totu inoghe».