Limba e limbas. Publicadu s’avisu Tulis 2024

In Regione ant aprovadu e publicadu s’avisu Tulis 2014 pro su finantziamentu de sos isportellos linguìsticos, de sa formatzione linguìstica e de sas atividades culturales in limba sarda e in àteras limbas de Sardigna. Est de 722.306,82 èuros s’ammontare totale de sas resursas. Entes locales, Càmeras de Cummèrtziu e Aziendas Sanitàrias de sa Sardegna sunt sos entes chi ant a pòdere presentare dimanda in forma sìngula o assotziada semper chi su progetu tèngiat unu riferimentu de nessi 5000 abitantes. Sas propostas cherent presentadas cunforma a sa modulìstica dèghida (presente in su situ de sa Ras), tràmite Pec (pi.cultura.sarda@pec.regione.sardegna.it) intro e non prus a tardu de s’8 de trìulas de ocannu.