Torrat Narcao Blues

Comintzat oe – finas a su 22 – sa de trintatres editziones de Narcao Blues. Un’istòria comintzada su 1989 in su Sulcis cramende in su tempus artistas comente John Mayall, Michael Coleman, Popa Chubby, Canned Heat, Mick Taylor, Eric Sardinas, Peter Green, Larry Carlton, James Cotton, Lucky Peterson, Otis Taylor, Eric Gales, Kris Barras, Robben Ford e Bill Evans.

Chie ocannu? S'inglesu Ben Poole, sos frantzesos Lehmanns Brothers, sas americanas Vanessa Collier, Joanna Connor, Nikki Hill e Carolyn Wonderland e sos connatzionales issoro GA-20 e Sugaray Rayford. E cada sero, a concruos de sos cuntzertos in su palcu tzentrale galu mùsica cun su dopofestival in localidade Santa Croce cun nùmenes de s’iscena sarda comente Williboy Taxi, Vittorio Pitzalis e Matteo Leone.

m.p.