Dae sos campos a sa mesa, sa filera de su trigu cun Maurizio Fadda in Casteddu

Sàbadu su 28, in sa pitzeria Capo Horn de Casteddu, s’insegnante e agrònomu nugoresu Maurizio Fadda at a propònnere unu laboratòriu a s’indonu contende sa filera de su trigu finas a sas mesas nostras.

In rassigna sas calidades de trigu (sardu o mancu) e sas possibilidades chi tenimus in contu de autonomia alimentare.

S’at a faeddare finamentas de sos macarrones chi agatamus in sos parastàgios de sas butegas e de sas alternativas, finamentas lighende s’arresonu a sas chistiones de sa salude nostra e su contivìgiu de su sistema immunitàriu.

Fadda, 56 annos, est dotzente in s’Agràriu de Nùgoro e est parte protagonista de su movimentu pro sa sovranidade alimentare (in antis chi calicunu disinneit de mutire unu ministeru de custa manera), pro sa biodiversidade, pro s’agroecologia.

S’apuntamentu est a sas 5 de merie.

M.P.