Diritos, su 28 cunferèntzia Anpi in Thiniscole

Sàbadu su 28 in Thiniscole, a sas 6.30 de sero in sa biblioteca comunale, sa setzione de s’Anpi in collaboratzione cun sa tzircuscritzione sarda de Amnesty international e cun su patrotzìniu de s’amministratzione regionale, organizat sa cunferèntzia "Tutti gli esseri umani nascono liberi in dignità e diritti ma…" cun una mirada a sas acontèssidas de su presente in Afghanistan e in Iran.

Nd’ant a chistionare Ilaria Cuccu, ativista de Amnesty International de Tàtari, Andrea Motzo, vitze responsàbile de Amnesty International in Casteddu e duos rifugiados afhanos cun sa testimonia issoro. Coòrdinat Paola Carroni de su diretivu thiniscolesu dell'Anpi.

M.P.