Logu e Logos in Casteddu, su 10 s'addòbiu de FdL in contu de decolonizatzione

Chenàbura su 10 de ghennàrgiu, a sas 6 de sero in Su Tzìrculu de Casteddu (carrera de Molise 58), presentant su libru “Logu e logos, questione sarda e discorso decoloniale”. Punna de custa regorta, imprentada dae Meltemi e aprontada dae su colletivu de chirca Filosofia de Logu, est su de printzipiare una mapadura de s'arresonu decoloniale movende dae sos cuntestos aplicativos suos, barighende·nche sos orizontes angustiosos e graes de su raportu Sardigna- Itàlia e pro nch’iscùdere sa mirada a su “mundu mannu e terrorosu”. Su volume est a s’incuru de Gianpaolo Cherchi (dotore de chirca in Filosofia e Istòria de sas ideas e cultore de sa matèria pro sa càtedra de Istòria de sa filosofia in s'Universidade de Tàtari, ue insegnat Lèssicu filosòficu-istoriogràficu) e de Federica Pau (dotora de chirca in Estètica e teoria de sas artes, cultora de sa matèria pro sa càtedra de Estètica in s'Universidade de Casteddu e dotzente de Teoria de sa pertzetzione e Psicologia de sa forma in su IED). A s’addòbiu bi pigant parte sos autores de su colletivu Andria Pili, Sara Corona, Federica Pau e Cristiano Sabino (interventos de Pier Giorgio Serra e de Alessandra Marchi de s’Istituto Gramsci della Sardegna).