In pagas oras s'abba de meses. Est mudende o nono su clima?
Ite est chi at cajonadu sos disacatos de su Campidanu e de Valèntzia? Mancari sas proportziones non siant sasa matessi (in s’istadu ispagnolu b’at rutu 200 millìmetros de abba in prus e a chèntinas bi nda’at mortu) tocat a mentovare su chi narant sos espertos. Sas temperaduras artas ingendrant evaporatziones e umididade manna in sas àeras; sos bentos fùrridos e fritos in cuota arta rugrant s’atmosfera; su vapore àcueu presente in s’àera caente conca a susu si fùrriat a proa. Diat dèvere èssere unu fenòmenu normale. Su malu est cando b’at evaporatzione prus manna dae su mare Mediterràneu e s’umididade est blocada pro tempus meda dae zonas antitziclònicas a inghìriu de sa tziclònica. Custu cheret nàrrere chi, cun custas cunditziones, proet meda e totu paris determinende in pagas oras cantidades de abba chi in gènere falant in paritzos meses. Semus in tempos de sicagna e de temporadas malas. Est mudende o nono su clima?