Pratobello 24, su 2 sos Cobas in pratza in Casteddu cun s'isciòperu de s'iscola

Cras in Casteddu, in ocasione de sa cunsigna de sas firmas pro sa proposta de lege de initziativa populare “Pratobello 24” bi sunt finas sos Cobas Scuola Sardegna chi ant organizadu un’isciòperu de s’iscola «contra a sas normas coloniales chi permitint s’ispeculatzione energètica in Sardigna» e «pro un’autodeterminatzione reale in contu de risorsas energèticas dae parte de su pòpulu sardu». In sa prataforma fintzas sa contrariedade a su Ddl 1660 chi «diat menguare sa libertade de espressione e de manifestatzione», su nono «a s’autonomia diferentziada, a sa reduida iscolàstica e a s’iscontzu de sos istitutos». Mentovadas fintzas sa limba e sa cultura de isvilupare pro mèdiu de una lege pro s’iscola sarda e su non a sa gherra (nono a sas tzerachias e a sa «militarizatzione de sas iscolas»).