Sa Domo de Totus, «una pinna artziada a chelu contra a s'ispeculatzione»

S’assòtziu “Sa Domo de Totus” est organizende pro lunis, su 16 de cabudanni, sos concruos de sa regorta de firmas pro sa lege de initziativa populare Pratobello 24. S’apimtamentu in pratza Castello a sas 5 de merie cun comintzu de sos interventos (ant a faeddare avocados, sìndigos e amministradores contràrios a s’ispeculatzione enrgètica, rapresentantes de movimentos, comitados, ativistas e autenticadores) a ora de sa 17.30. Se regorta de sas firmas – narant – est petzi unu comintzu «e pro custu semus invitende a sos tzitadinos a artziare a chelu sa pinna chi rapresentat una voluntade colletiva de defensa e de amparu de sa terra e de sos diritos natzionales e comunitàrios nostros».