“Natali Shaheen. Una storia di calcio e di lotta”, su 26 sa projetzione in Tàtari

Cun sa projetzione de su documentàriu “Natali Shaheen. Una storia di calcio e di lotta”, in programma pro giòbia su 26 de cabudanni a sas ses e cuartu in Tàtari (in sa Sala de sas cunferèntzias de sa Fondazione di Sardegna in carrera de Carlo Alberto 7), sighit sa “Cinerassegna Diritti al Contrario”. Sa rassigna est aprontada dae sos assòtzios Ponti non muri, Mos Movimento omosessuale sardo, Amnesty International Sassari, Gruppo Emergency Sassari, noiDonne 2005 e Alisso. Cus custa projetzione, sos organizadores punnant a «mantènnere bia s’atentzione pro su genotzìdiu in Gaza e sa pulitzia ètnica in Palestina». Unu vìdeu-messàgiu de sa Romana Rubeo, giornalista de su Palestine Chronicle, at a antitzipare sa projetzione matessi.