Trasportos pùblicos, una “Carta” farsa in Casteddu. Ite narat su Ctm

Pro mèdiu de un’annùntziu suo, su CTM de Casteddu est signalende sa presèntzia de unas cantas trampas acumpridas in Facebook dae gente disconnota. Una de custas pertocat sa promissa farsa de una “Carta dei trasporti pubblici in Cagliari”. Diat pàrrere a s’indonu, a comintzu. Posca pedint sos datos de sa carta de crèditu. Pro custu «CTM narat de impreare petzi sos canales de s’azienda pro otènnere informatziones o servìtzios. Racumandamus de visitare su situ web www.ctmcagliari.it e sas pàginas social ufitziales ebbia. Est de importu mannu a non frunire documentos o informatziones relativas a cartas de crèditu in link isponsorizados e non verificados».