Dae intro de su Cussìgiu – Sinistra futura in contu de rinnovàbiles e ispeculatzione

«Su messàgiu est prus chi non craru: nono a s’ispeculatzione energètica, eja a sas rinnovàbiles. Su disignu de lege chi devimus aprovare in custas oras in àula tenet bisòngiu de una visione sa prus crara e cumpartzida: non semus inoghe pro aprovare su pianu energèticu regionale, chi b’amus a traballare a pustis, como amus sa netzessidade e s'òbligu morale de prenare unu bòidu normativu chi at ingendradu una situatzione de oriolu mannu in intro de sa comunidade». Custos sunt imbetzes sos faeddos de sos rapresentantes de Sinistra futura, chi narant de èssere «a su primu passu». «Como tocat de blocare totu sos percursos autorizadores e de arresonare pro individuare in ue e comente aviare sa transitzione energètica»