Conca a su primu Cussìgiu de sa legisladura Todde. E a sa Giunta noa

Est cunvocadu pro cras, martis su 9 de abrile a sas 10.30 de mangianu, su primu Cussìgiu regionale de sa legisladura Todde. In custu primu addòbiu s’at a costituire s’Ufìtziu de presidèntzia e b’at a èssere su giuramentu de cussigeris e assessores. Sa Giunta diat pàrrere gasi formada: vitzepresidente de sa Regione cun dèlega a su Bilantzu Giuseppe Meloni (Pd); a sa Sanidade, in cuota M5S, l'oncòlogu romanu giai sutasegretàriu a sa Salude Armando Bartolazzi; a s'Ambiente Rosanna Laconi (Pd); a s'Indùstria Emanuele Cani (Pd); a s'Agricultura Gianfranco Satta (Progressisti); a su Traballu Desirè Manca (M5S); a sos Traballos pùblicos Antonio Piu (Verdi Sinistra); a sos Trasportos Barbara Manca (ingegnera seberada dae sa presidente); a sos Entes locales e Urbanìstica Francesco Spanedda (architetu seberadu dae sa presidente); a sa Cultura Ilaria Portas (Sinistra Futura); a su Turismu Franco Cuccureddu (Orizzonte Comune); a sos Afàrios generales o Sabina Bullitta o Luisa Giua Marassi (Uniti per Alessandra Todde). A concruos ant a elègere su presidente de s’assemblea.

m.p.