Papilloma virus, sa campagna de sa Asl nugoresa

In ocasione de sa die internatzionale contra a su Papilloma virus, sa Als de Nùgoro at aprontadu una campagna informativa pro s’adesione a sos esames gratùitos de su tumore a su tzugru de s’ùteru. «Su screening – narat sa dotora Bosu de su tzentru aziendale – est indiritzadu a sas fèminas intre sos 25 e sos 64 annos cada tres. Esta prelevare agigu de tzèllulas pro identificare sa presèntzia de anomalias eventuales in su tessutu. su materiale l’analizamus in sos laboratòrios de Anatomia patològica de su Santu Frantziscu e su prelievu non cajonat dolore». Chie cheret aderire a su programma podet telefonare a su 800.20.80.84 o iscrìere una e-mail a s’indiritzu centro.screening@aslnuoro.it. Sos Pap test los faghent in sos Consultòrios de Nùguro, de Durgali, de Bitzi, de Macumere, de Thiniscole, de Orosei, de Sòrgono, de Aritzo, de Dèsulu e in su poliambulatòriu de Gavoi. Pro sos vatzinos tocat a iscrìere a custos indiritzos: igienepubblica.nuoro@aslnuoro.it; igienepubblica.macomer@aslnuoro.it; igienepubblica.siniscola@aslnuoro.it; igienepubblica.sorgono@aslnuoro.it