Poesia, su grodde de Nanni Falconi in su pòdiu de “Salva la tua lingua locale”

In sa de tres positziones in pare cun Lidiana Fabbri e su libru suo “Bascòzi. Poesie in dialetto riminese”, a su poeta pattadesu Nanni Falconi nche l’ant postu in su pòdiu de su cuncursu “Salva la tua lingua locale” aprontadu dae “Unione nazionale Pro loco d’Italia”, lòmpidu a sa de ùndighi editziones. Su resurtadu l’at otènnidu in sa setzione “Poesia edita” gràtzias a su libru “Su grodde bos at a contare de me”, imprentadu dae Nor e dae pagu essidu finamentas in versione traduida. Su 7 sa premiatzione in Roma.

m.p.