Ranieri: «Su còmpitu meu? Pònnere òrdine». Radunovic? «Bidimus»

«Non podiat comintzare peus sa gara». Custas sas primas paràulas de Ranieri faeddende a pustis de sa derrota de su Cagliari contra a sa Fiorentina. E a pustis de sa segunda rete «pro sos pitzocos fiat totu prus difìtzile». Su mister at ammìtidu sos errores: «Amus faddidu diagonales, apògios e passàgios, cosa chi in gènere non faghimus. Dispràghidu so, ma no orioladu. No mi l’isetaia una gara che a custa ma pro seguru non tzedimus. Su còmpitu meu est de pònnere òrdine. Si ruet ma tocat a nos nde pesare deretu». E pro Radunovic? «Su ruolu de su portieri est particulare. No est sulenu, b’apo a faeddare e valuto pro sa gara imbeniente».