Cagliari, unu puntu de importu pro comintzare sa Sèrie A

Bona sa prima? Sa prima est de terra? Pro como su 0-0 in su primu disafiu de s’istajone 2022/23 de sa sèrie màssima de fùbalu acuntentat giogadores, allenadore e tifosos de su Cagliari. Dae su situ de s’iscuadra de Casteddu agatamus in forma de sìntesi faeddos comente «ispìritu de sacrifìtziu» e «sentidu de apartenèntzia», comente a mustrare su chi eris fiant sos ruju-biaitos de mister Ranieri contra a su Torino de Juric, in domo issoro. 3-4-2-1: custu s’ischema propostu cun Goldaniga, Dossena e Ober amparende a Radunovic; Zappa, Sulemana, Makoumbou e Azzi a metade de campu; Nandez, Oristanio e Luvumbo in atacu. Gara ecuilibrada, cun su Cagliari chi at brujadu un’ocasione cun Pavoletti a su de 77 minutos. Unu puntu chi balet meda, duncas. E como lunis chi benit su segundu disafiu contra a s’Inter. In domo.

m.p.