Su tzilibirche? S’assessora «In duos annos nche l’isperdimus»

A su chi narat s’assessora de s’Agricultura Valeria Satta – e a su chi leghimus in s’Ansa - «si sunt comintzende a bìdere sos primos resurtados contra a su tzilibirche e, si su pianu at a sighire su chi amus programmadu, in giru de duos annos nche semus in foras de s’emergèntzia». Est cosa chi at naradu oe in assessoradu addobiende·si cun sos esponentes de sos assòtzios de categoria pro fàghere s’anàlisi de sos primos interventos fitosanitàrios de sos tècnicos de Laore. «Cun custos tratamentos ocannu sos tretos infestados diant dèvere minimare cunforma su 2022». «Sa veridade – at naradu su rapresentante de Coldiretti – est chi aiais dèvidu laurare sos terrinos in atòngiu pro nch’ispèrdere sos oos». «Semus oriolados – gosi su de Copagri – ca s’entidade de s’infestatzione l’amus a bìdere intre unu mese. Isperemus chi s’assessora apat resone».