Galu pagas dies pro su Prèmiu Logudoro

Sunt bator sas setziones de su Prèmiu Logudoro de literadura sarda, cuncursu chi in Otieri lompet a sa de 42 editziones: setzione poesia «Musserradu Meridda» cun tema impostu “Mastros de vida” e metros traditzionales; setzione poesia «Sevadore Bertulu» cun tema e mètrica lìberos; setzione contos noos «Gigi Sotgia»; setzione poesia religiosa «Card. Mario Francesco Pompedda» cun tema “Otieri e sa Festa Manna”. B’at finamentas una setzione deidaca a sas iscolas. S'iscadèntzia fiat pro su 30 de maju ma como est pro su 30 de làmpadas, duncas b'at galu pagas dies pro bi pòdere leare parte.

m.p.