Sovranidade alimentare, in Gùspini su libru de Maurizio Fadda e de Fabio Parascandalo

Domìniga su 14 de maju in Gùspini, in intro de sa manifestatzione “Monumenti aperti”, Maurizio Fadda e Fabio Parascandalo ant a presentare su libru issoro “Il nostro cibo. Per la sovranità alimentare della Sardegna”, imprentadu su 2018 dae Libera editrice fiorentina. Narant sos autores chi, «mescamente movende dae su segundu pustisgherra, sa Sardigna dipendet dae su sistema internatzionale de produtzione e de consumu de sas mercantzias industriales e sos sardos ant pèrdidu sa sovranidade alimentare e su bonu de sas economias traditzionales issoro».

Atopu a sas 11.30 de mangianu in s’Agrobass – Molino Garau de carrera de Santa Maria 121.

m.p.