Comintzados sos laboratòrios linguìsticos in s'Universidade de Tàtari

Sunt comintzados in su dipartimentu de Iscièntzias umanìsticas e sotziales de s’Universidade de Tàtari sos laboratòrios de limba sarda e de tres minorias linguìsticas de Sardigna (sassaresu, alguerès e gadduresu).

Sos laboratòrios sunt abertos a su territòriu e no a sos universitàrios ebbia e los ant a fàghere in modalidade mista presèntzia / prataforma Microsoft teams.

Custos sos dotzentes: Gabriele Tanda (sardu, gabriele_tanda@hotmail.it), Alessandro Derrù (sassaresu, alessandroderru@hotmail.it), Riccardo Mura (gadduresu, riccardomura@yahoo.it), Francesco Ballone (alguerès, francesco.ballone@libero.it). Sos interessados podent cuntatare su dotzente de su laboratòriu seberadu o puru su referente iscientìficu de su curriculum de “Lingue e culture della Sardegna”, su prof. Dino Manca (dinomanca@uniss.it).