Mèigos in mancu, serrant Chiurgia e Ps de S'Alighera

Àsiu nde tenimus de inaugurare istruturas noas, chi mai ant a èssere che a sas chi amus pèrdidu in custos annos, si in s’ìnteri su chi b’amus galu sighit a sufrire.

In S’Alighera, dae s’11 de custu mese, su repartu de Chirurgia at a connòschere unu pasu de sas atividades suas pro mancàntzia de mèigos. A su presente non b’at continuidade pro more de unu trasferimentu sìngulu a s’Aou de Tàtari. «Sende chi non b’at diretore de dipartimentu – narat sa ghia de su P.o Gioacchino Greco –, sende chi no est possìbile a reperire dirigentes mèigos pro sa cobertura de sos turnos de Chirurgia e in ausèntzia de un’interventu bostru, amus a dèvere suspèndere totu sas atividades de ricòveru e serrare su P.s».