Su long covid de s’ecomomia sarda in sos contos de Confartigianato

Cunforma a sos datos de s’Istituto Tagliacarne-Unioncamere, torrados a elaborare dae sos de s’ufìtziu istùdios de Confartigianato imprese Sardegna, nemmancu una provìntzia sarda nch’at barigadu sa richesa produida su 2019.

Cunforma a sa variatzione pertzentuale de su valore annantu intre su 2019 e su 2021, Aristanis presentat su mègius resurtadu cun unu -0,88% (sa de 40 provìntzias in Itàlia); fatu-fatu b’agatamus a Casteddu cun -0,91% (sa de 42), a Nùgoro cun -0,95% (sa de 44), a su Sud Sardigna cun -1,07% (sa de 50) e a su Nord, a concruos, cun -2,37% (sa de 95).

Classìfica agigu diferente in contu de rèdditu pro capite cun Casteddu chi resurtat sa provìntzia prus rica cun 26.259 èuros e cun Tàtari Gaddura a cuota 19.349.

Intre sos cumpartos su chi est postu mègius est su de s’edilìtzia, finamentas pro more de sos provedimentos guvernativos. Lughes e umbras pro sa massaria. A bisu de Confartigianato bi diant chèrrere interventos in contu de crèditu, cumpetitividade, burocratzia, infrastruturas, energia e trasportos.

M.P.