Vacàntzias ecosustenìbilis cun “SardiniaNatour”

Terra – Ecosustenibilidadi e biàgius podint caminai impari gràtzias a is propostas de “SardiniaNatour”, s'agentzia de Casteddu chi tenit pagu prus o mancu de 16 annus e chi promovit s'ecustistema ricu e interessanti de sa Sardigna.

Cun “SardigniaNatour” su furesteri iscoberrit un'ìsula pagu famanda a foras de is lacanas de sa Sardigna etotu. Est una terra fata de paèsagius chi carfint is ogus, innoia su raportu intre natura e cultura rapresentat su coru de viàgiu.

Est ladinu ca sa Sardigna tenit unu de is ecocusistemas prus ricus de totu su Mediterràneu; est po custa rexoni chi podit bantai de tenni una biodiversidadi istravanada, chi si movit intre parcus naturalis internus e logus de mari puru. S'una e s'àtera funt duas metas de importu mannu po su turismu sustenìbili. S'una e s'àtera, difatis, faint parti de is àndalas promòvias de “SardiniaNatour”.

Is propostas de s'agentzia funt propostas de biàgius responsàbilis e “green” (birdis); biagius chi acapiant cultura, economia e traditzionis. No est po debbadas ca s'iscèberu de is logus de acasàgiu est costituiu prusatotu de fatorias, aziendas agricolas biològicas, hotel e B&B chi castiant a s'ambienti comenti unu logu de interessu mannu.

Mancu a ddu nai: su turismu sustenìbili respetat is critèrius de s'isvilupu sustenìbili assegurendi una vacàtzia chi non fait dannu a s'ambienti e chi respetat sa Sardigna.

“SardiniaNatour” est una de is 40 realidadis turìsticas chi s'agantant in Sardigna e faint parti de sa primu “Rete d’imprese ecoturistiche della Sardegna”. Una retza chi cun amori, entusiasmu e profesionalidadi manna traballat impari a àteras realidadis po promòviri is valoris de sa sustenibilidadi, oferrendi a su furesteri esperiètzias autènticas de biviri in Sardigna. Totu custu ddu fait acastiendi a su patrimòniu de s'ìsula e amparendi sa sustenibilidadi ambientali, sotziali e economica.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22