Cumintzat "Totus impari po su sardu", laboratòriu de musica in lìngua sarda

Su tìtulu cosa sua est “Totus impari po su sardu” e est su primu de is ses laboratòrius de mùsica in lìngua sarda a gratis chi funt stètius aprontaus in is pratzas de sa “Biblioteca Emilio Lussu”. Su laboratòriu, chi at a cumentzai in su mesi de ladàminis chi benit e at a sighiri fintzas a su mesi de martzu 2021, est promòviu de sa “Città Metropolitana” de Casteddu e at essi obertu a 20 personis chi tenint un'edadi de is 14 a is 35 annus e bivint in is comunus de sa “Città Metropolitana”.

Chini at a bolli pigai parti a is atòbius at a depi imbiai un'email a s'indiritzu tutusimpariposusardu@gmail.com o telefonai a su nùmeru 070 3495368 o a su 375 5282076 intru su 3 de su mesi de ladàminis.

Is atòbius ant essi cuncodraus cun s'agiudu de musicistas famaus in Sardigna: Stefania Liori, Maurizio Marzo, Flavio Sechi, Renzo Cugis e Emanuele Pittoni.