EducAids Webinar: unu progetu po fueddai de s'Aids a is istudiantis

Gràzias a su traballu fitianu de sa “Lila Cagliari” su coronavirus non frimat su prevenimentu de s'Hiv.

Sa “Lega Italiana per la Lotta contro l’Aids”, difatis, cambiat su progetu po is iscolas EducAids in un'editzioni on-line oberta a totus is istitutus interessaus. Po aprontai su webinar chi fueddat de s'Aids, is professoris e is dirigentis interessaus podint cuntatai a sa Lila mandendi un'e-mail a s'indiritzu: scuola@lilacagliari.it

Sa Lila Casteddu fait sciri ca in custu momentu de apretu s'assistu e-mail e su tzentralinu telefònicu a su nùmeru 34755653009 sighint a abarrai ativus sena de irminorigai s'oràriu.