NODAS: mùsica e poesia de Sardigna

NODAS, sa filera de cunferèntzias-cuncertus asuba de sa mùsica e de sa poesia sarda, at a cumentzai su 20 de su mesi de martzu chi benit in is aposentus de sa butega I.S.O.L.A., in carrela Bacaredda 176a in Casteddu.

Sa filera de atòbius at essi oberta de s'apuntamentu dedicau a is launeddas, cun su cuncertu de su sonadori Andrea Pisu e sa cunferèntzia ghiada de s'etnomusicologu Marco Lutzu.

NODAS est aprontada de sa Fondazione Siotto e de Minoter, cun su finantziamentu de su MiBACT, de sa Regione Autonoma de Sardigna, de su comunu de Casteddu e de sa Fondazione Sardegna.

Fotografia pigada de Flickr. Autori Gureu

© RIPRODUZIONE RISERVATA