ProgReS: una natzione cheret una limba normale e ufitziale
Image
Su Guvernatore Pigliaru at nominadu sa Diretora noa de su Servìtziu Limba Sarda de sa Regione, a pustis de ses meses de vacàntzia de-i cussu incàrrigu a pustis de s’acabu de su raportu cun su Diretore de ainnantis.
Est sa dotoressa Maria Isabella Piga, dirigente de sa RAS, laureada in matematica ed esperta de statistica. In su curriculum sou bi sunt incàrrigus meda e totus coerentes cun sa formatzione issentìfica e culturale sua, ma no b’at nudda a pitzu de sa cumpetèntzia linguistica, e no s’ischit nimancu chi sa Dott.ssa Piga conoscat e chistionit in limba, ca in su profilu sou at iscritu feti ca tenet una “conoscenza scolastica del francese”.
ProgReS no donat giudìtzios a priori, e at a abetare sos traballos e sas fainas chi su Servìtziu Limba at a fàchere cun sa ghia de sa Dott.ssa Piga, ma no podet nimancu cuare s’apinione ca custa nòmina tengat sa tarea de torrare a goa meda in sas politicas linguistas sardas, a pustis de annus de traballu fitianu e cumpetente de su Servìtziu Linguisticu. Est a nàrrere a fàghere torrare su sardu in su strintoxu de su folklore, de s’oralidade, e de s’impreu feti dialetale e no ofitziale de sa limba.
Pro torrare a bogare sa limba a foras da-e sas istitutziones, sas iscolas, sas univesidades e sa pùblica aministratzione a cantu in sos annos colados est b’intrada cun onore e profetu meda, gràtzias a su traballu de su Servìtziu, ProgReS narat ca una Natzione cheret una limba normale e ofitziale, duncas isperat ca custa nòmina sigat sa tarea de s’impreu istituzionale de sa limba sarda, in dd’unu regime de bilinguismu perfetu.
ProgReS at a bardiare su traballu, sas fainas e sas propostas de polìtica linguistica chi ant a bènnere, cumbintu ca s’impreu ofitziale de sa limba issoru est unu deretu tzivile de cada pòpulu e natzione de su mundu.
ProgReS Progetu Repùblica
Est sa dotoressa Maria Isabella Piga, dirigente de sa RAS, laureada in matematica ed esperta de statistica. In su curriculum sou bi sunt incàrrigus meda e totus coerentes cun sa formatzione issentìfica e culturale sua, ma no b’at nudda a pitzu de sa cumpetèntzia linguistica, e no s’ischit nimancu chi sa Dott.ssa Piga conoscat e chistionit in limba, ca in su profilu sou at iscritu feti ca tenet una “conoscenza scolastica del francese”.
ProgReS no donat giudìtzios a priori, e at a abetare sos traballos e sas fainas chi su Servìtziu Limba at a fàchere cun sa ghia de sa Dott.ssa Piga, ma no podet nimancu cuare s’apinione ca custa nòmina tengat sa tarea de torrare a goa meda in sas politicas linguistas sardas, a pustis de annus de traballu fitianu e cumpetente de su Servìtziu Linguisticu. Est a nàrrere a fàghere torrare su sardu in su strintoxu de su folklore, de s’oralidade, e de s’impreu feti dialetale e no ofitziale de sa limba.
Pro torrare a bogare sa limba a foras da-e sas istitutziones, sas iscolas, sas univesidades e sa pùblica aministratzione a cantu in sos annos colados est b’intrada cun onore e profetu meda, gràtzias a su traballu de su Servìtziu, ProgReS narat ca una Natzione cheret una limba normale e ofitziale, duncas isperat ca custa nòmina sigat sa tarea de s’impreu istituzionale de sa limba sarda, in dd’unu regime de bilinguismu perfetu.
ProgReS at a bardiare su traballu, sas fainas e sas propostas de polìtica linguistica chi ant a bènnere, cumbintu ca s’impreu ofitziale de sa limba issoru est unu deretu tzivile de cada pòpulu e natzione de su mundu.
ProgReS Progetu Repùblica
© RIPRODUZIONE RISERVATA